أعلان الهيدر

السبت، 12 أغسطس 2017

الرئيسية شعرك بيسقط هتعملى ايه

شعرك بيسقط هتعملى ايه

 شعرك بيسقط هتعملي ايه



     شوفي يا حلوة انتى وهيا النهاردة هنتكلم عن الشعر ومشاكل الشعر اغلب البنات الحلوين والستات اللي الهم شايلين بيشتكوا من تساقط شعرهم  كل شويه ،و اللي بتشتكي من شعرها الهايش و اللى شعرها متقصف  ويقولو مش عارفين السبب ايه ؟

يعني مش السبب الجو النار اللي احنا عايشين فيه ,و لا الحالة النفسية المدمرة من الصريخ على العيال طوال النهار بس يا واد و اسكتى يا بت  , و لا عدم التغذية السليمة و سدة النفس , و لا كمية المسكنات اللي بناخذها طول اليوم  للصداع و وجع الرجلين  و الضغط و السكر

المهم  ايه الحل؟ شوفى  بقي يا ستي

١:التغذية
    اول حاجة التغذية بدل ما تاكلي في نفسك طول اليوم اعملي غارة على التلاجه و مش هقولك  فاكهة ، خيار ، طماطم كل  اللي تقابليه و موصكيش   فاكهة و خضروات على قد ماتقدري

٢:الشامبو
   انسي  الشامبو ومتقوليش بستخدم  ده ولا ده ولا ده اطلعي على العطار و هاتي صابونة نابلسي شاهين واغسلي بيها شعرك دى مفيده جدا للشعر وصحية


٣:الصبغة
     بلاش كل يوم والتاني تصبغي شعرك بالصبغات الى فيها مواد كيماوية خليكي في الطبيعي في صبغات طبيعية استخدميها  او حنة مضمونة من عطار كويس عشان فروة راسك مش تلتهب  و لو لازم يعني من الصبغات الثانيه خليها في  المناسبات الخاصة بس ومش كتير

٤: تمشيط الشعر
     الله يكرمك اول ماتصحي من النوم عارفين انك مستعجلة ،بس براحة على شعرك 
هى مش حرب واحدة واحدة خليكي رقيقة ياماما ،و ياريت تستخدمي المشط الخشب . صحيح في  الأول هتحسي الدنيا ماشية بالمقلوب و مش عارفة تمسكي حتى المشط  بس واحده واحدة هتتعودي عليه

٥ : الزيوت
نيجي للزيوت بقى استخدمي الزيوت الطبيعية  و اطلعي على العطار  يعملك  خلطة زيوت طبيعية  ( زيت زيتون- زيت جوز هند-زيت خروع- زيت لوز-زيت اللافندر)
ومتنسيش تعملى حمام كريم كل شويه عشان ترطبي  شعرك و  يخف من التقصف


والمفاجأة  بقى ماء البحر مفيد جدا للشعر فروحي امسكى فى رقبة جوزك وقوليله لازم نروح المصيف عشان شعري بيسقط  و متنسيش تقوليلى هتروحي اي مستشفى عشان اجى ازورك
يتم التشغيل بواسطة Blogger.