أعلان الهيدر

الجمعة، 18 أغسطس 2017

الرئيسية ازاى نستعد لعيد الاضحى:شويه نصائح للاستعداد لعيد الاضحى

ازاى نستعد لعيد الاضحى:شويه نصائح للاستعداد لعيد الاضحى

             ازاي نستعد لعيد الاضحى:شويه نصائح للاستعداد لعيد الاضحى

             ازاي نستعد لعيد الاضحى

      خلاص يابنات ياحلوين  كلها ايام على عيد الاضحى وطبعا كلنا بنسال نفسنا هنعمل ايه ونستعد  ازاى
     طبعا كلنا عارفين ان العيد ده عيد اللحمة مش عيد الكحك ولا البسكوت وطبعا هنتلكك  ومش هنعمل حاجة ،بس مش هنخسر لو عملنا شوية  قليلين لاي نوع من  البسكوت عشان حبايبنا واصحابنا اللى  بيزرونا عشان لما يعيدو علينا  نقدمه مع الشاي او العصير.
      نتكلم بقى ازاى نجهز البيت للعيد يلا بسرعة شمرى اديك وجهزى عدة الشغل
             ازاي نستعد لعيد الاضحى

_  البيت
      نيجي بقى لبيت العز بيتنا حبيبنا  هنستعد فيه ازاى للعيد :هنبتدي ننضف البيت حته حته  من  حيطان وسقف ونجف وارضيات
 واه  بقى لو جددتى  في شكل البيت وديكوراته شيلى كرسي من هنا حطيها هنا غيرى من وضع السرير  ونقلي من الستاير من هنا لهنا ومش ضرورى كل ده فى يوم واحد رتبي نفسك حسب ظروفك
     يا سلام كمان لو تستغلي الفرصة وجهزى مكان مذاكرة الولاد بالمرة مهى هيصة بقى وخلاص المدارس دخلت علينا
   وياريت تنزلى مفرش  المناسبات من فوق الدولاب وتفرجي عنه شويه وتزينى بيه السرير

٢_المطبخ
    نيجي بقى للمهمة المستحيلة  المطبخ  نزلى بقى كل الى في المطبخ واغسليه وارجعي رتبية مرة تانية
             ازاي نستعد لعيد الاضحى



       *لو كنتي هضحي جهزي مكان الأضحية  لو ضحيتي في البيت  حددي المكان الى هتقطعي فيه اللحمة وفضية من الفرش عشان ميتبهدلش
      *وجهزي السكاكين وتكون سنها حامي 
      *ومتنسيش تشترى  أكياس بيضاء  عشان تستخدميها فى تكييس اللحمة
      *اغسلي الفريزر ونضفيه عشان تخزنى فيه اللمة الباقية عندك  ده لو فضل حاجة
       *وجهزي حلل كبيرة الى هتستخدميها اثناء تجهيز اللحمة
      *   أهم حاجة قائمة بالاسماء الى هتوزعي عليها الحمة وركزي على المحتاجين مش جيرانك الى خايفة يفضحوكي  ويعايروكي لو نسيتهم
      *هاتي كيس مشمع كبير غطي بيه الارض والفرش الى قريب منك عشان تسهلي على نفسك التنظيف بعد كده  
    *ممكن لو صحيتي بدري قبل ميعاد الأضحية جهزي شويه من حاجات الفتة عشان مش هتقدرى تعملى حاجة بعد ما تخلصي بس اوعي تنسيني في اللحمة


استني استني نسينا اهم حاجة انتي مش هتعملي ايه تجهيزات في نفسك ولا اية بس دى بقى الموضوع القادم انتظرينا 
يتم التشغيل بواسطة Blogger.